Desire luzinda ow'ekitone yataddewo likodi n'aleka bayimbi banne nga bewuunya

NG’OGGYEEKO okusaba ogwabadde omulamwa gw’olunaku omukulu, wabadde oyinza okulowooza nti zaabadde mpaka za kulonda ssereebu asinga okwambala.
Bangi ku bantu abeeyiye ku kkanisa ya Light Your World ey’omusumba Wilson Bugembe e Nansana ku Ssande eby’okusaba baabivuddeko ne badda ku kya kunyumirwa kulaba bassereebu obwedda abayingira buli omu mu sitayiro ye. 
Mu bimu ku byasinze okubacamula y’ennyambala abamu gye baayogeddeko ng’eggyayo ekitiibwa kyabwe.

Julie Angume; Olugoye lw’Ekiyindi lwa 400,000/- omukuufu n’eky’oku mukono 50,000/- , akasawo ka 100,000/- engatto za 100,000/-.

Bakira buli ssereebu abayitako nga bamuwa obubonero n’okuwaana oyo ayambadde obulungi ate abatayambadde bulungi nga babalangira n’okwebuuza badizayina baabwe. 

Embooko za Ebonies , Proper Aturiheyihi (ku kkono), Julie Underwood ne Victoria Nakabuye. Ekiteeteeyi kya Nakabuye kya 500,000/-, olwa Underwood lwa doola 300 (mu za Uganda 858,000/-)

Bukedde akuleetedde abamu ku bassereebu naawe olonde eyasinze okwambala eby’ebbeeyi n’eyasinze okunyuma wewaawo nga bbo bagamba nti Desire ow'ekitone engule yagyettise.

 Maureen Kabasiita; Ekiteeteeyi (evening gown) kya 1,000,000/- yakigula Dubai ate akasawo k’omu ngalo ka 100,000/

 Muky. Sarah Kisawuzi azannya nga Nalweyiso mu Deception yayambadde makisi n’anana

Rebecca Jjingo; Ekiteeteeyi kya 350,000/- ensawo ya 250,000/- n’engatto 150,000/-

Evelyn Lagu bye yayambadde yabigula Butuluuki. Bbulawuzi ya doola 100 (286,000/-) jjiini ya doola 50 (143,000/-). Engatto ya 420,000

 Kazibwe Kapo; Engatto ya 100,000/-, jjiini ya 70,000/-, essaati ya 50,000/-, omukuufu gwa 200,000/-.